Հուսով եմ, որ մոտ ապագայում սպասվող գործընթացների արդյունքում երկաթուղին ավելի նշանակալի դեր կխաղա լեռնահանքային ոլորտի համար, ինչը, հուսով եմ, արտահանման տեսանկյունից օգուտ կբերի լեռնահանքային ընկերություններին։ Այս մասին հոկտեմբերի 17-ին Ծաղկաձորում կայացած Mining Armenia Forum 2026-ի ընթացքում հայտարարել է Հայաստանի վարչապետ Նիկոլ Փաշինյանը։

Նա հիշեցրել է, որ դա կարևոր է նաև այն տեսանկյունից, որ Հայաստանից լեռնահանքային արտադրանքի արտահանումն արդեն իսկ իրականացվում է երկաթուղով։

Փաշինյանը հույս է հայտնել, որ լեռնահանքային ընկերությունները իրենց ապրանքը կարտահանեն ավելի կարճ ճանապարհով։

Միևնույն ժամանակ վարչապետը դժգոհել է, որ հանքարդյունաբերության ոլորտը մեծ հարցականի տակ է դնում ենթակառուցվածքներում պետության կատարած ներդրումները, քանի որ գերբեռնված մեքենաները քանդում են ճանապարհները։

Նշենք, որ Mining Armenia Forum 2026-ի համակազմակերպիչներն են «Հանքարդյունաբերական ֆորում» զարգացման հիմնադրամը և Հայաստանի հանքարդյունաբերության ու մետալուրգիայի ասոցիացիան։ Երրորդ անգամ անցկացվող ֆորումի ռազմավարական հովանավորներն են Զանգեզուրի պղնձամոլիբդենային կոմբինատը և «Lydian Armenia» ընկերությունը, իսկ գլխավոր հովանավորները՝ Ամերիաբանկը և «Թեղուտ» ՓԲԸ-ն։