նախընտրելի դարձնել
ԱՄՆ նախագահ Դոնալդ Թրամփը հայտարարել է, որ Բացարձակ մենամարտերի առաջնության (UFC) ղեկավար Դանա Ուայթին առաջարկել է զբաղեցնել Սպիտակ տան մամուլի քարտուղարի պաշտոնը։
«Հաճույքով հայտարարում եմ, որ մեծն Դանա Ուայթին՝ կոփված մարտիկին ու ռազմիկին, առաջարկվել է Միացյալ Նահանգների մամուլի քարտուղարի պաշտոնը», — գրել է Թրամփը Truth Social սոցիալական ցանցում։
ԱՄՆ նախագահի խոսքով՝ ինքը Ուայթին խնդրել է իր թիմում ներգրավել հայտնի մարզիկների, այդ թվում՝ Իսլամ Մախաչևին, Խաբիբ Նուրմագոմեդովին, Ջասթին Գեյջիին, Դենիել Կորմիեին, Ամանդա Նունյեսին և Քեյլա Հարիսին։ Թրամփը նշել է, որ նրանցից ոմանք ԱՄՆ քաղաքացիներ չեն։
ԱՄՆ առաջնորդն իր ընտրությունը բացատրել է քաղաքական ընդդիմախոսներին դիմակայելու անհրաժեշտությամբ՝ նրանց անվանելով «խելագար ձախեր»։
«Դանան այնպիսի մամուլի քարտուղար կլինի, ինչպիսին դեռ չի եղել։ Դանա՛, խնդրում եմ, համաձայնի՛ր», — դիմել է Թրամփը UFC-ի ղեկավարին։
Միաժամանակ, Թրամփի հայտարարության մեջ չի հստակեցվում՝ խոսքը պաշտոնի նշանակման պաշտոնական առաջարկի՞, թե՞ կատակի մասին է։ Դանա Ուայթը ղեկավարում է UFC-ն և վաղուց աջակցում է ԱՄՆ նախագահին։
