նախընտրելի դարձնելԷլթոն Ջոնի խմբի 56-ամյա բաս կիթառահար Ռոբերտ Բերչին մահացած են գտել Լոս Անջելեսի իր տան մոտակայքում:
Երաժշտի` գլխի մասում հրազենային վնասվածքներով մարմինը հայտնաբերվել է օգոստոսի 15-ի առավոտյան: Վնասվածքի բնույթից ելնելով` ենթադրվում է, որ Բոբ Բերչը ինքնասպան է եղել, սակայն այս տարբերակը դեռեւս քննվում է: Երաժշտի մարմնի մոտ ոչ մի ետմահու նամակ չի գտնվել, այն գտնելու ուղղությամբ աշխատանքներ են տարվում: Ոստիկանները նաեւ նկատել են, որ թմրադեղերի օգտագործման բացահայտ նշաններ եւս չկան, հայտնում է «Ռուսական թերթը»:
Էլթոն Ջոնի պաշտոնական կայքում տեղադրված է երաժշտի կնոջը ` Միշել Բերչին եւ նրանց որդիներին ուղղված ցավակցական խոսք:
Բոբ Բերչը Էլթոն Ջոնի խմբի կազմում սկսել է հանդես գալ 1990 թ-ից եւ 20 տարիների ընթացքում նրա հետ շրջագայել է ողջ աշխարհով: Ռոք երաժիշտը հանդես է եկել այնպիսի աստղերի հետ, ինչպիսիք են Բիլի Ջոելը, Թինա Թյորները, Էրիկ Քլեփթոնը, Սթիվի Ուանդերը, ինչպես նաեւ «Սփայս գըրլզ» խմբի հետ:
