նախընտրելի դարձնել
Ճապոնացի նախարար Տադահիրո Մացուսիտան կախվել է սիրային գաղտնի կապի բացահայտման պատճառով. 73-ամյա տղամարդուն սպառնում էին հրապարակել անհայտ կնոջ հետ սիրավեպը:
Ինչպես հայտնում են լրագրողները, մի քանի տարվա ընթացքում քաղաքական գործչին հետեւում էին: Անհայտ անձանց հաջողվել է հավաքել նյութեր անհայտ կնոջ հետ Մացուսիտուի կապի վերաբերյալ:
Նախարարին հայտնել են, որ նրա անձնական կյանքի ցնցող մանրամասներով նյութը պետք է հրապարակվի սեպտեմբերի 12-ին: Ըստ ճապոնացի ոստիկանների` Մացուսիտան որոշել է կյանքին վերջ տալ` վախենալով, որ կինը կիմանա իր գաղտնի կապի մասին:
Ինչպես հաղորդում է LifeNews-ը, Մացուսիտայի բնակարանում հայտնաբերվել է հետմահու գրութուն, սակայն իրավապահները հրաժարվում են հրապարակել նամակի բովանդակությունը: Ըստ ոստիկանության` նամակն ուղղված է եղել կնոջը:
Քաղաքական գործիչը եղել է Ճապոնիայի Նոր ազգային կուսակցության անդամ, նաեւ զբաղեցրել էր նախարարական մի քանի պաշտոններ:
