նախընտրելի դարձնել
Հոկտեմբերի 22-ին, ժամը 03.00-ին, Նուբարաշենի խճուղում «ՎԱԶ-21074» մակնիշի ավտոմեքենա է բախվել «ԳԱԶ-3110»-ի, որն էլ իր հերթին բախվել է «ԶԱԶ-Սենս» մակնիշի ավտոմեքենայի: Պատահարի հետեւանքով «ՎԱԶ-21074»-ի ուղեւորը մարմնական վնասվածքներով տեղափոխվել է հիվանդանոց:
Հոկտեմբերի 22-ին, ժամը 11.30-ին, Սասունցի Դավթի եւ Մուրացանի փողոցների խաչմերուկում իրար են բախվել «Միցուբիշի» եւ «Օպել» մակնիշի ավտոմեքենաներ: Բախման հետեւանքով «Միցուբիշի»-ի ուղեւորը մարմնական վնասվածքներով տեղափոխվել է հիվանդանոց:
Ոստիկանության լրատվության վարչությունից հայտնում են, թե հոկտեմբերի 22-ին, ժամը 14.30-ի սահմաններում, Երեւան-Գյումրի ճանապարհի 60-րդ կմ-ին «Օպել Աստրա» մակնիշի ավտոմեքենա է դուրս եկել երթեւեկելի գոտուց եւ շրջվել: Վարորդը մարմնական վնասվածքներով բուժօգնության է դիմել հիվանդանոց:
Հոկտեմբերի 22-ին, ժամը 17.00-ին, Երեւան-Սեւան ճանապարհի 49-րդ կմ-ին «Դեյվու-Դամաս» մակնիշի ավտոմեքենա է բախվել ճամփեզրի քարերին, ինչի հետեւանքով վարորդը եւ երկու ուղեւորները մարմնական վնասվածքներով բուժօգնության են դիմել հիվանդանոց:
Հոկտեմբերի 22-ին, ժամը 23.30-ին, Կիեւյան փողոցի թիվ 1 շենքի մոտ «Ֆոլքսվագեն» մակնիշի ավտոմեքենա է բախվել «Նիսան» մակնիշի ավտոմեքենայի: Վթարի հետեւանքով «Ֆոլքսվագեն»-ի վարորդը եւ «Նիսան»-ի ուղեւորը մարմնական վնասվածքներով տեղափոխվել են հիվանդանոց:
Հոկտեմբերի 23-ին, ժամը 00.05-ի սահմաններում, Էջմիածին-Երեւան ճանապարհի 3-րդ կմ-ին «Մերսեդես-Բենց 200» մակնիշի ավտոմեքենա է բախվել բետոնե պատնեշին, ինչի հետեւանքով վարորդը եւ ուղեւորուհին մարմնական վնասվածքներով տեղափոխվել են հիվանդանոց:
Հոկտեմբերի 23-ին, ժամը 00.20-ին, Սեբաստիայի փողոցում իրար են բախվել «Մերսեդես-Բենց», «Ռենո» եւ «ԳԱԶ-24» մակնիշի ավտոմեքենաներ: «ԳԱԶ-24»-ի վարորդը եւ ուղեւոր մարմնական վնասվածքներով տեղափոխվել են հիվանդանոց:
Բոլոր դեպքերով կատարվում է քննություն:
