Հայաստանի նախագահի նախկին թեկնածու, «Ժառանգություն» կուսակցության առաջնորդ Րաֆֆի Հովհաննիսյանի գլխավորած շարժման հանրահավաքը դեռ չի սկսվել (ֆոտոռեպորտաժ):

Ինչպես հաղորդում է NEWS.am-ի թղթակիցն Ազատության հրապարակից, արդեն մեկ ժամ է Ազատության հրապարակում հնչում են ժողովրդական երգեր, «Ժառանգություն» կուսակցության հիմնը եւ Րաֆֆի Հովհաննիսյանի նախընտրական քարոզարշավի ժամանակ օգտագործված մի քանի հայտնի հիթեր:

Միաժամանակ Ազատության հրապարակում ներկաների թիվը շարունակում է ավելանալ:

Հիշեցնենք, որ այսօր Ազատության հրապարակում Րաֆֆի Հովհաննիսյանի գլխավորությամբ կկայանա «Նոր Հայաստանի երդմանակալության» արարողությունը, իսկ Կարեն Դեմիրճյանի անվան մարզահամերգային համալիրում` Սերժ Սարգսյանի երդմնակալության արարողությունը:

Լուսանկարը՝  Արսեն Սարգսյանի/NEWS.am