նախընտրելի դարձնելFEMEN-ի աղջիկները բողոքի ակցիա են կազմակերպել Ֆրանսիայի նախագահ Ֆրանսուա Օլանդի՝ «Լե Բուրժե» ավվիասրահ կատարած այցելության պահին:
Ակցիան ուղղված էր Թունիսում դատապարտված ակտիվիստուհիների պաշտպանությանը: Օլանդի մոտենալու պահին երկու կիսամերկ կանայք սկսել են վանկարկել բանտարկված համախոհների անունները, սակայն նրանց արագ ձերբակալել են նախագահի անվտանգության ծառայության աշխատակիցները, հայտնում է «Գոլոս Ռոսիի»-ն:
Հիշեցնենք, Թունիսի դատարանը FEMEN –ի երեք ակտիվիստուհիների չորսամսյա կալանքի էր դատապարտել՝ այս տարվա մայիսին Արդարադատության պալատի մոտ կիսամերկ ակցիա իրականացնելու համար: Նրանց մեղադրել էին հանրային բարոյականության դեմ ոտնձգությունների եւ անպարկեշտ վարքի համար:
