նախընտրելի դարձնելՃշտվել է Պակիստանում սպանված 10 արտասահմանցի զբոսաշրջիկներից չորսի ինքնությունը, հայտնում է Geo News հեռուստաալիքը` վկայակոչելով Պակիստանի ներքին գործերի նախարար Չաուդհուրի Միսար Ալի Խանի հայտարարությունը:
Պարզվել է ՉԺՀ-ի երկու քաղաքացիների ինքնությունը` նեպալցի եւ չինական ծագմամբ ամերիկացի: ԱՄՆ-ի դեսպանատունը հաստատել էր, որ սպանվածների շարքում ամերիկացի կա: Մյուս զոհերի ազգության եւ նույնիսկ նրանց թվի մասին լրատվամիջոցներն իրարամերժ տվյալներ են հայտնում:
Հունիսի 23-ին BBC-ն հայտնել էր, որ զոհվել են հինգ ուկրաինացի, երեք չինացի եւ մեկ լիտվացի: Ողջ էր մնացել ՉԺՀ-ի մեկ քաղաքացի: Հունիսի 24-ին AP-ը հայտնել էր, որ սպանվել են երեք ուկրաինացի, Սլովակիայի երկու քաղաքացի, երկու չինացի, մեկական լիտվացի, նեպալցի եւ ամերիկացի: Միաժամանակ Պակիստանում Ուկրաինայի դեսպանը հայտնել էր, որ հաստատվել է հինգ ուկրաինացիների մահը: Լրատվամիջոցները հայտնել էին, որ սպանվածների շարքում ռուսաստանցի կա: Իսլամաբադում Ռուսաստանի դեսպանությունը չի հաստատել եւ չի հերքել այդ տեղեկությունը, հաղորդում է «ՌԻԱ Նովոստին»:
Rbc-ն հայտնում է, որ Պակիստանում գտնվող ռուսաստանցի լեռնագնացները դիմել էին Ռուսաստան` իրենց տարհանելու խնդրանքով:
Ըստ Ռուսաստանի լեռնագնացների ֆեդերացիայի` զոհվածների եւ տուժածների շարքում ռուսաստանցիներ չկան: Հայտնի է դարձել, որ Պակիստանի լեռներում ներկայումս 10 ռուսաստանցի կա:
Ողբերգությունը տեղի էր ունեցել հունիսի 23-ին` տեղի ժամանակով 00.30-ին, Ֆեյրի Միդոուզ լեռնային հանգստյան գոտում:
Պակիստանում գրոհայիններն օտարեկրացի զբոսաշրջիկների են սպանել
Սկզբում հաղորդել էին, որ իրավապահ մարմինների համազգեստով 10-12 մարդ ներխուժել էին հյուրանոց եւ սպանել օտարերկրացի զբոսաշրջիկների: Այնուհետեւ Ուկրաինայի դեսպան Վլադիմիր Լակոմովը հայտնել էր, որ ողբերգությունը տեղի է ունեցել ոչ թե հյուրանոցում, այլ Նանգապարբաթ լեռան ստորոտի վրանային ճամբարում: Տեղական Dardistan Times թերթը նույնպես գրում է, որ սպանությունը տեղի է ունեցել հանգստավայրին կից Բոնիեր հարթավայրում:
Պատասխանատվությունը ստանձնել է «Թեհրիկ ի թալիբան Պակիստան» շարժումը:
