նախընտրելի դարձնելԼրագրողները մի ամբողջ օր չեն կարողացել Էդվարդ Սնոուդենին գտնել Մոսկվայի «Շերեմետեւո» օդանավակայանում: Իսկ երբ նրանցից երեսունը էժան տոմսեր են գնել Էկվադոր չվերթի համար եւ օդանավում չեն հանդիպել ամերիկացուն, սկսել են կատակել:
Ինչ-որ մեկը Twitter-ում հասցե է բացել № 17А դատարկ բազկաթոռի անունից, որտեղ պետք է նստեր ԿՀՎ-ի նախկին աշխատակիցը: Առաջին գրառումն է՝ «Ինձ դատարկ եմ զգում»: Այնուհետեւ հաջորդում են այլ գրառումներ.
@SnowdensSeat. «Վերջին ժամանակներս ինձ շատերն են լուսանկարում: Գուցե դրա համար սկսեմ փո՞ղ վերցնել»:
@SnowdensSeat. «Լրագրողներն ինձ վատ հայացքով են նայում: Բացի դրանից, այստեղ խմելու ոչինչ չեն տալիս»:
@SnowdensSeat. «Հարեւան բազկաթոռը հետաքրքիր պատմություն ունի Սնոուդենի մասին, սակայն այնտեղ նստած է BBC-ի լրագրողը: Ինչպե՞ս ես դիմանում, 17С»:
Twitter-ում հայտնվել են Սնոուդենին հետապնդող լրագրողների բազմաթիվ գրառումներ, որոնք գրում են նաեւ իրենց անունից: Այսպես, Reuters-ի լրագրողը բողոքում է, որ Շերեմետւոյում 16 ժամ մնալուց հետո իրեն ցանկացած մարդ Սնոուդենն էր թվում: Ինչ-որ մեկն էլ անկեղծացել էր, որ Կուբա թռչող լրագրողներով լի օդանավն արդեն «զվարճալի է»: Իսկ ինչ-որ մեկն էլ ենթադրել է, որՍնոուդենը թաքնվում է Հյուսիսային բեւեռի սուզանավում, հաղորդում է ՆՏՎ-ն:
Հիշեցնենք, որ հունիսի 24-ին մայիսի վերջից Հոնկոնգոմ թաքնվող Սնոուդենը Մոսկվայից պատրաստվում էր թռչել Հավանա: Նա գրանցվել էր Կուբա մեկնող չվերթի համար, սակայն օդանավում չէր եղել:
Սնոուդենը Մոսկվա-Հավանա չվերթի օդանավում չէ
Associated Press-ը հայտնում է, որ հունիսի 25-ի առավոտյան օդանավը Հավանա էր ժամանել առանց Սնոուդենի:
Մոսկվայում Սնոուդենը հանդիպել էր էկվադորցի դիվանագետներին եւ քաղաքական ապաստան խնդրել:
WikiLeaks կայքը հայտնել է, որ Էկվադորը Սնոուդենին փախստականի փաստաթղթեր է հանձնել:
http://news.am/arm/news/159569.html
