նախընտրելի դարձնելՄի մարդ սպանվել է, երկուսը՝ վիրավորվել մարտի 9-ին ԱՄՆ Կոլամբուս քաղաքի համալսարանում տեղի ունեցած փոխհրաձգության արդյունքում:
Ինչպես հաղորդում է Associated Press-ը, միջադեպը, որի մանրամասները դեռ հայտնի չեն, տեղի է ունեցել մարզադաշտի մոտ գտնվող շինության մոտ:
Համալսարանական ոստիկանության պետ Պոլ Դենթոնի խոսքով, վիրավորներից մեկը գտնվում է ծայրահեղ վատ վիճակում մյուսը՝ կայուն: Նա հայտնել է, որ բոլոր տուժածները համալսարանի աշխատակիցներ են:
Ոստիկանությունն արդեն ձերբակալել է հանցագործության մեջ կասկածվողին, քննիչները փորձում են պարզել դրդապատճառները:
Միջադեպի մասնակիցներից եւ ոչ մեկը ուսանող չէ:
