նախընտրելի դարձնելԱնհայտ քաղաքացուց, հոկտեմբերի 7-ին, ոստիկանության Երեւան քաղաքի վարչության օպերատիվ կառավարման կենտրոն ահազանգ է ստացվել, որ Գարեգին Նժդեհի փողոցում գտնվող թիվ 12 դպրոցի էլեկտրակայանի մոտ զենք է թողնում:
Մեկնած օպերատիվ խումբը հայտնաբերել է ինքնաձիգ, տարբեր տրամաչափի 137 փամփուշտ եւ 5 ազդանշանային փամփուշտ-հրթիռ:
Հայտնաբերվածն ուղարկվել է փորձաքննության:
Նույն օրը, ժամը 15.20-ին, անհայտ քաղաքացուց ոստիկանության Երեւան քաղաքի վարչության օպերատիվ կառավարման կենտրոն ահազանգ է ստացվել, որ Երեւանի Նանսենի փողոցի թիվ 20 շենքի դիմացի այգում զենք է թողնում:
Մեկնած օպերատիվ խումբը նշված վայրից հայտնաբերել է 9 մմ տրամաչափի «GLOCK» տիպի ատրճանակ` դատարկ փամփշտատուփով:
Նշանակվել է դատաձգաբանական փորձաքննություն:
Նույն օրը, ժամը 18.15-ին, անհայտ քաղաքացուց ոստիկանության Երեւան քաղաքի վարչության օպերատիվ կառավարման կենտրոն հաղորդում է ստացվել, որ զենք-զինամթերք է թողնում «Շախմատի տան» հարակից այգու նստարաններից մեկի տակ:
Մեկնած օպերատիվ խումբը հայտնաբերել է ազդանշանային ատրճանակ, ազդանշանային փամփուշտ եւ ինքնաձիգի 5,45 մմ տրամաչափի 400 փամփուշտ:
Հայտնաբերվածն ուղարկվել է փորձաքննության:
Նախապատրաստված նյութերն ուղարկվել են Կենտրոնական բաժին:
