նախընտրելի դարձնել
«Մեծ քսանյակի» (G20) երկրների արտաքին գործերի նախարարները հրաժարվել են ուրբաթ օրը Ատլանտայում կայանալիք հանդիպումից առաջ ավանդական համատեղ լուսանկարից այն բանից հետո, երբ եվրոպացի ներկայացուցիչները դեմ են արտահայտվել Ռուսաստանի ներկայությանը, հայտնում է Reuters գործակալությունը։
Ամերիկացի պաշտոնյայի խոսքով՝ Պետդեպարտամենտը լուսանկարահանումը հանել է պաշտոնական ծրագրից՝ ավելորդ ուշադրությունից խուսափելու և թույլ չտալու համար, որ այն շեղի մասնակիցներին բանակցություններից։
Հանդիպման մասնակիցների մոտ մեկ երրորդը, այդ թվում՝ Ավստրալիայի և Կանադայի ներկայացուցիչները, հասկացրել են, որ չեն ցանկանում լուսանկարվել Ռուսաստանի արտգործնախարար Սերգեյ Լավրովի հետ, հայտնել է արևմտյան մի դիվանագետ։
«Եվրոպացի գործընկերների և պարոն Լավրովի հետ համատեղ լուսանկար ոչ մի դեպքում չի լինի, որովհետև… Ռուսաստանի հետ նորմալ հարաբերություններ չկան», — ուրբաթ օրը՝ առաջին նիստի մեկնարկից առաջ, հայտարարել է Գերմանիայի արտգործնախարար Յոհան Վադեֆուլը։
Ավելի վաղ եվրոպացի ներկայացուցիչները հնարավոր էին համարել երկու առանձին լուսանկար անել՝ մեկը Լավրովի մասնակցությամբ, մյուսը՝ առանց նրա։
