Նախընտրելի
Հոկտեմբերի 28-ին Ինդոնեզիայի արեւելյան հատվածում 5,1 մագնիտուդով երկրաշարժ է տեղի ունեցել, ցունամիի վտանգ չկա:
Ստորերկրյա ցնցման էպիկենտրոնը գտնվել է Մոլուկի նահանգի Տուալ քաղաքից 268 կմ հարավ-արեւմուտք, հիպոկենտրոնը գտնվել է Բանդա ծովի մակերեւույթից 159 կմ խորությունում:
Զոհերի եւ ավերածությունների մասին չի հաղորդվել, հայտնում է «ՌԻԱ Նովոստին»` վկայակոչելով Ինդոնեզիայի մետերոլոգիայի, կլիմատոլոգիայի եւ երկրաֆիզիկայի ազգային վարչության հաղորդագրությունը:
Ինդոնեզիան Խաղաղօվկիանոսյան հրե օղակի մասն է կազմում: Երկրագնդի այդ հատվածում են տեղակայված ամենաակտիվ տեկտոնական գոտիները, որոնցից մեկը շարժվում է տարեկան 7սմ արագությամբ: Ամեն տարի սեյսմոլոգները այդտեղ գրանցում են 6-7 հազար երկրաշարժ`միջինը 4,0 մագնիտուդով:
