Հատուկ ծառայությունների  գործունեությունը մերկացնող նյութեր հրապարակող լրատվամիջոցները Մեծ Բրիտանիայի վարչապետ Դեյվիդ Քեմերոնի կողմից պատժամիջոցների ենթարկվելու մասին զգուշացում են ստացել:

«Եթե նրանք հետագայում սոցիալական պատասխանատվության զգացում չցուցաբերեն, բրիտանական կառավարության համար  դժվար կլինի զերծ մնալը եւ քայլեր չձեռնարկելը»,– ընդգծել է Քեմերոնը խորհրդարանում ելույթի ընթացքում, հայտնում է  gazeta.ru-ն՝ վկայակոչելով Reuters-ը:

Քեմերոնն անթույլատրելի է համարում բրիտանական The Guardian թերթի գործողությունները, որը շարունակել է  հատուկ ծառայությունների  մասին նյութերի հրապարակումը, թեեւ ավելի վաղ խոստացել էր դադարեցնել նման գործունեությունը:

Ավելի վաղ բրիտանական լրատվամիջոցներում տեղեկություն էր հայտնվել, որ ԱԱԳ-ն գաղտնալսել է աշխարհի 35 առաջնորդների հեռախոսները: