Սոմալիում ամերիկյան անօդաչու սարքի հարվածից ահաբեկչական  «Աշ Շաբաբ» խմբավորման երկու պարագլուխների է վերացրել: Այս շարժումը ստանձնել էր Քենիայի առեւտրի կենտրոնում վերջերս կատարված ահաբեկչության պատասխանատվությունը, հայտնում է NEWSru.com-ը՝ վկայակոչելով արեւմտյան լրատվամիջոցները:

«Աշ Շաբաբի» երկու ազդեցիկ անդամներից մեկը պայթուցիկ նյութերի մասնագետ էր, հայտնի էր  Անտա անունով: Մյուսի անունը չի հրապարակվում:

Ամերիկյան լրատվամիջոցների տվյալով՝ նրանք երկուսով գտնվել են մեքենայում, որը հոկտեմբերի 28-ին ոչնչացվել էր Ջիլիբ քաղաքի մերձակայքում՝ անօդաչու սարքի հրթիռային հարվածից:

Al-Jazeera-ին Ջիլիբ քաղաքի բնակիչներից մեկը պատմել է, որ հարվածը հասցվել է կեսօրվա   աղոթքից հետո՝ ժամը  13:30- 14:00-ի սահմաններում: Պայթյունից հետո ականատեսը շտապել է դեպքի վայր եւ  Suzuki մեքենայում երկու դիակ հայտնաբերել: Շուտով հայտնվել են  «Աշ Շաբաբի» գրոհայինները եւ տարել դիակները: