նախընտրելի դարձնել
Մոսկվայի քաղաքային դատարանը հետ է կանչել ռուսական «Ռոսբալտ» գործակալության գրանցման վկայականը՝ բավարարելով «Ռոսկոմնադզոր»-ի հայցը, հայտնում է ՌԱՊՍԻ-ն:
«Ռոսկոմնադզոր»-ը «Ռոսբալտ»-ի դեմ հայց էր ներկայացրել հրապարակված նյութերում անցենզուր հայհոյանքների համար:
Պետերբուրգյան «Ռոսբալտ» գործակալությունը կարող են փակել
«Ռոսբալտ»-ում «Ռոսկոմնադզոր»-ի հայցն անհիմն են անվանել, քանի որ անցենզուր հայհոյանքը խմբագրական նյութերում չի եղել, այլ YouTube-ից հղումով դրված տեսանյութերում: Գործակալությունը կբողոքարկի դատարանի որոշումը:
Ավելի վաղ գործակալության խմբագիր Նիկոլայ Ուլյանովին 20 հազար ռուբլով տուգանել էին:
«Մոսկովսկի կոմսոմոլեց»-ի գլխավոր խմբագիր Պավել Գուսեւը «ՌԻԱ Նովոստիին» հայտնել է, որ «Ռոսբալտ»-ի լիցենզիան հետ կանչելը լրատվամիջոցների զարգացման դեմ ուղղված վտանգավոր նախադեպ է:
