«Մոսկվա» կինոթատրոնում, հոկտեմբերի 31-ին, տեղի է ունեցել «ՌեԱնիմանիա»  5-րդ միջազգային անիմացիոն կինոփառատոնի փակման արարողությունը, որի ընթացքում հայտարարվել են մրցույթային ծրագրում հաղթող ֆիլմերը:

- Ռոբերտ Սահակյանցի հատուկ մրցանակին է արժանացել Ջորջ Շվիցգիբլը Շվեյցարիայից

- Լավագույն հայկական կարճամետրաժ ֆիլմի Լեւ Ատամանովի հատուկ մրցանակին արժանացել է Նաիրա Մուրադյանի «Բալետը»:

- Լիամետրաժ ֆիլմ անվանակարգում ժյուրիի հատուկ նշման արժանացել է «Ռիո 2096` սիրո եւ ցասման պատմություն»:

- Լավագույն Լիամետրաժ Ֆիլմ անվանակարգում հաղթել է «Իմ մայրիկն Ամերիկայում է եւ նա հանդիպել է Բուֆալո Բիլլին»:

- Լավագույն անիմացիոն կերպար է ճանաչվել Յունգը՝ «Հաստատված է որդեգրության համար» ֆիլմից

- Կարճամետրաժ ֆիլմ անվանակարգում ժյուրիի հատուկ նշման արժանացել է  «Կռիվ» ֆիլմը

- Ռուբեն Գեւորգյանցը Կինոմիության հատուկ մրցանակը հաձնել է Պրիթ Տենդերին «Թրթուրներ կերակրողը» ֆիլմի համար:

- Լավագույն կարճամետրաժ ֆիլմ անվանակարգում հաղթել է «Ճագարաստանը»:

- Լավագույն հեռուստատեսային եւ Ուսուցողական հոլովակի անվանակարգում հաղթել է «Անտոնը»:

- Լավագույն գովազդային հոլովակ անվանակարգի մրցանակագրի անունը. հաղթող է ճանաչվել «Գլորվող սաֆարի» հոլովակը,

- Լավագույն ավարտական անվանակարգի հաղթող է ճանաչվել «Շփոթված Երեխան»:

- Կոնվերս բանկի հատուկ մրցանակին արժանացել է Զաքար Դեմիրճյանը:

- Լավագույն գեղարվեստական/նկարչական Լուծում անվանակարգի մրցանակին արժանացել է Բիլ Փլիմփթոնի՝ «Դավաճանություն» ֆիլմը:

- Միջազգային անիմացիոն «ՌեԱնիմանիա» կինոփառատոնն այս տարի տոնեց  իր  հնգամյա հոբելյանը, որը համընկնում է հայ անիմացիոն արվեստի յոթանասունհինգ ամյակի հետ:

Այս տարին «ՌեԱնիմանիա» փառատոնի համար բացառիկ է նաեւ  նրանով, որ այն ընդլայնել է իր սփռվածությունը: Նոյեմբերի 1-3-ը  փառատոնը կանցկացվի նաեւ Լեռնային Ղարաբաղի հանրապետությունում:

«ՌեԱնիմանիա» միջազգային անիմացիոն կինոփառատոնն այս տարի անցկացվում է ՀՀ նախագահի աջակցությամբ: