նախընտրելի դարձնելՄեծ Բրիտանիան շատ է ցանկանում սերտ եւ արդյունավետ հարաբերություններ պահպանել ԵՄ-ի եւ Հայաստանի միջեւ, հատկապես տնտեսական բարեփոխումների ոլորտում, NEWS.am-ի թղթակցին ասաց Հայաստանում Մեծ Բրիտանիայի արտակարգ եւ լիազոր դեսպան Քեթրին Լիչը՝ անդրադառնալով հարցին, թե ինչ կբերի 2015թ. Երեւանի եւ Բրյուսելի միջեւ համագործակցության տեսակետից, հաշվի առնելով, որ Հայաստանը դարձել է ԵՏՄ-ի լիիրավ անդամ:
«Այժմ, երբ Հայաստանը վերջնականապես միացել է ԵՏՄ-ին, հուսով եմ, որ մենք կկարողանանք առաջ շարժվել ավելի արագ եւ հստակեցնել ԵՄ-ի հետ համագործակցության բոլոր բնագավառները՝ դեռեւս թույլատրելի սահմաններում: Ես գիտեմ, որ այդ աշխատանքը պետք է ինտենսիվ լինի եւ սկսվի հենց հիմա», - նշեց Լիչը: Դեսպանն ընդգծել է, որ Մեծ Բրիտանիան շատ է ցանկանում սերտ եւ արդյունավետ հարաբերություններ պահպանել ԵՄ-ի եւ Հայաստանի միջեւ, հատկապես տնտեսական բարեփոխումների, բիզնեսի խթանման, պետաշխատողների ներուժն աճեցնելու, կոռուպցիայի դեմ պայքարի, ինչպես նաեւ դատական բարեփոխումների հետագա խթանման եւ մարդու իրավունքների բնագավառում բարեփոխումների ոլորտում:
