նախընտրելի դարձնելԵվրախորհրդարանի այս տարվա առաջին լիագումար նիստը հունվարի 12-ին բացվում է ֆրանսիական Ստրասբուրգում եւ կշարունակվի մինչեւ հունվարի 15-ը:
Նիստը կսկսվի երեկոյան՝ Charli Hebdo խմբագրության վրա կատարված հարձակման հետ կապված խոսքի ազատության վերաբերյալ զեկույցով, հայտնում է «Ինտերֆաքսը»՝ վկայակոչելով Եվրախորհրդարանի մամուլի ծառայությունը:
Հունվարի 14-ին եվրապատգամավորները ԵՄ դիվանագիտության ղեկավար Ֆեդերիկա Մոգերինիի գլխավորությամբ կքննարկեն ԵՄ արտաքին եւ անվտանգության քաղաքականության հիմնական ուղղությունները: Այդ ամենամյա քննարկումներին կհետեւեն նաեւ հատուկ քննարկումներ՝ Ուկրաինայի եւ եւ Եգիպտոսի իրավիճակի վերաբերյալ: Հունվարի 13-ին ԵԽ-ն կքննարկի Լիբիայում իրավիճակը, հունվարի 15-ին այդ երեք երկրների վերաբերյալ առանձին բանաձեւեր կընդունվեն:
Հունվարի 13-ին տեղի կունենան նաեւ ԵԽ-ի առաջին քննարկումները Եվրոպայի խորհրդի նոր նախագահ Դոնալդ Տուսկի հետ, որը կներկայացնի ԵՄ դեկտեմբերի գագաթաժողովի եզրակացությունները, որը հավանություն է տվել 315 մլրդ եվրոյի չափով ներդրումային ծրագրին («Յունկերի ծրագիր»):
Հունվարի 15-ին Եվրախորհրդարանը քվեարկության կներկայացնի Թուրքիայում մամուլի ազատության մասին բանաձեւը՝ 2014 թ. վերջին լրագրողների կալանավորումների հետ կապված:
Հունվարի 13-ին հատուկ քննարկումները նվիրված են լինելու նավերում «կենդանի ապրանքների» մաքսանենգությանը, որոնք ուղարկվում են Թուրքիայից, եւ Միջերկրական ծովում զոհվող միգրանտների հետ կապված ողբերգություններին:
Հունվարի 15-ի նիստում քննարկվելու են աշխարհում ժողովրադավարության վիճակի եւ մարդու իրավունքների վերաբերյալ հարցեր: Այս անգամ օրակարգում են Ռուսաստանը՝ Ալեքսեյ Նավալնու դատավճռի կապակցությամբ, Պակիստանը՝ Փեշավարում դպրոցում կատարված ահաբեկչության կապակցությամբ, եւ Ղրղըզստանը՝ «Նույնասեռականության քարոզչության մասին» օրենքի պատճառով:
