Երկրի սահմաններից դուրս ռազմական խմբավորումներին վրացիների մասնակցությունը կամ մասնակցության կոչը կհամարվեն հանցագործություն: Այդ մասին «Իմեդի» հեռուստաընկերության եթերում հայտարարել է Վրաստանի արդարադատութան նախարար Թեյա Ցուլուկիանին:

Նախարարը նաեւ հստակեցրել է, որ «հանցագործություն կհամարվի բացառապես բոլոր ապօրինի խմբավորումներին մասնակցությունը ցանկացած երկրի տարածքում»:

Ավելի վաղ վրացական մամուլում հաղորդվել էր, որ ԻՊ-ի ջոկատներին մասնակցելու նպատակով վերջին տարվա ընթացքում Պանկիսի կիրճից Սիրիա են անցել  50-100 տեղի բնակիչ: Հայտնի է նրանցից ութի զոհվելու մասին: Ավելի ուշ այդ մասին հայարարել էր նաեւ Վրաստանի նախկին նախագահ Միխայիլ Սահակաշվիլին:

Սահակաշվիլի. Վրաստանի մի քանի հարյուր քաղաքացիներ կռվում են ԻՊ-ի շարքերում