նախընտրելի դարձնել
Տավուշի մարզպետարանը անկախ հանձնաժողով է ստեղծել՝ սահմանամերձ գյուղերում հակառակորդի կրակոցներից տուժած գյուղացիների կրած նյութական վնասի չափը հաշվարկելու նպատակով: Այս մասին NEWS.am-ին ասաց մարզպետարանի տարածքային վարչության պետ Միշա Մխիթարյանը:
Նա նշեց, որ հանձնաժողովն արդեն մեկնել է սահմանամերձ գյուղեր:
«Մենք անպայման փոխհատուցելու ենք գյուղացիների կրած վնասները, թեեւ դրանք այնքան էլ շատ չեն. պատուհաններ են կոտրվել, շիֆերներ»,- ասաց նա:
Միշա Մխիթարյանը հայտնեց, որ իրենք այս հարցը լուծելու են սեփական միջոցներով, կառավարությանը դիմելու կարիք չի լինի:
Նշենք, որ հակառակորդն արդեն մի քանի օր է՝ գնդակոծում է Տավուշի մարզի սահմանամերձ գյուղերը: Գյուղապետերի խոսքով՝ բնակիչներն ահռելի վնասներ են կրել:
