նախընտրելի դարձնել
Կառավարության դիմաց երեկվանից նստացույց անող նաիրիտցիները գիշերը 15 հոգով են անցկացրել: Այս մասին այսօր՝ մայիսի 15-ին, NEWS.am-ի հետ զրույցում ասաց «Նաիրիտի» նախկին աշխատակից Տիգրան Մինասյանը։
«Մենք անձրեւանոցներով էինք, թրջվեցինք էլ, չորացանք էլ: Գիշերը շատ հանգիստ անցավ, 3 ոստիկան էր մեզ հսկում: Այժմ եւ ոստիկնները, եւ նաիրիտցիները գնալով ավելանում են»,-ասաց Տիգրան Մինասյանը:
«Նաիրիտի» նախկին աշխատակից Գայանե Արշակյանն էլ նշեց, որ հնարավոր է՝ այսօր երեկոյան նստացույցը ավարտեն, եւ եթե դրանից հետո որեւէ բան չփոխվի, մի քանի օրից նորից նստացույց կսկսեն:
Նաիրիտցիները նշեցին, որ կառավարությունից մինչեւ այժմ ոչ ոք չի մոտեցել իրենց:
Նշենք, որ նաիրիտցիները հայտարարել են, որ նստացույցը տեւելու է երկու օր: Նրանք կառավարության մոտ կմնան նաեւ գիշերը՝ միմյանց հերթափոխելով:
Հիշեցնենք, որ հարկադիր պարապուրդի մատնված՝ «Նաիրիտ» գործարանի նախկին աշխատակիցների՝ 18-24 ամսվա աշխատավարձերի պարտքը կազմում է մոտ 15 մլն դոլար: Նրանք բազմիցս հավաքվել են Կառավարության եւ նախագահականի մոտ՝ պահանջելով իրենց խնդիրների լուծում:
