Նախընտրելի
ESPN հեռուստաընկերությունը որոշում է կայացրել արգելել NBA-ի նախկին խաղացող եւ Սակրամենտոյի գործող քաղաքապետ Քեվին Ջոնսոնի մասնակցությամբ ֆիլմի հեռարձակումը, տեղեկացնում է Sports Illustrated-ը։
Ֆիլմը նվիրված է Քինգզի»՝ Սակրամենտոյից հեռանալը թույլ չտալուն ուղղված պայքարին եւ դրա մի զգալի մասը զբաղեցնում է Ջոնսոնի հետ հարցազրույցը։
77 րոպեանոց ֆիլմը, որը նախատեսված էր եթեր հեռարձակել հոկտեմբերի 20-ին, չի ցուցադրվի Ջոնսոնի հասցեին հնչած սեռական ոտնձգության մեղադրանքների հետ կապված։
ESPN-ը ֆիլմի ցուցադրության նոր ժամկետներ չի նշում, գրում է «Չեմպիոնատը»։
Հիշեցնենք, որ քաղաքապետին մեղադրում են 15-ամյա Մանդի Կոբիին այլասերելու համար։ Այդ կնոջ պնդմամբ, 1997-ին Ջոնսոնն իրեն 230,000 դոլարի կաշառք է տվել ոստիկանությանը ոչինչ չասելու համար։ Ինչպես գրում է կալիֆորնիական մամուլը, այդ ժամանակ Քեվինը 20 տարեկան էր։
Անցյալում Քեվին Ջոնսոնը որպես պրոֆեսիոնալ բասկետբոլիստ հանդես է եկել Բասկետբոլի ազգային ասոցիացիայի անդամ «Քլիվլենդ կավալերս» եւ «Ֆինիկս Սանզ» ակումբներում։ Նա հանդես է եկել հարձակվող պաշտպանի դիրքում։ Որպես խաղացող, նա երեք անգամ մասնակցել է NBA-ի բոլոր աստղերի խաղին եւ 5 անգամ ընտրվել է բոլոր աստղերի հավաքականի անդամ, իսկ 1989-ին նա ճանաչվել է NBA-ի ամենաառաջատար խաղացող։
