նախընտրելի դարձնելՄԱԿ-ի Մանկական հիմնադրամի (ՅՈՒՆԻՍԵՖ) զեկույցի տվյալներով, աշխարհում ծնված ամեն ութերորդ երեխան լույս աշխարհ է եկել հակամարտության գոտում:
Նշվում է, որ 2015-ին հակամարտության գոտիներում մոտ 16,6 մլն երեխա է ծնվել, ինչը մոտ 125 հազարով ավելի է, քան անցյալ տարում: ՅՈՒՆԻՍԵՖ-ի կանխատեսումներով, եկող տարի հակամարտության գոտիներում 16,7 մլն երեխա կծնվի:
Զեկույցում հաղորդվում է, որ շատ երկրներում հակամարտությունները հանգեցնում են նրան, որ նորածին երեխաներն ու իրենց մայրերը մշտապես զգալի ռիսկերի են ենթարկվում: Մայրերը ծննդաբերում են առանց բժշկական աջակցության, հակասանիտարական պայմաններում: Նման գոտիներում ծնված երեխաների դեպքում ավելի մեծ է մինչեւ հինգ տարեկանը մեռնելու հավանականությունը, գրում է Gazeta-ն:
ՄԱԿ-ի մանկական հիմնադրամն իր զեկույցում տեղեկացնում է նաեւ, որ 2015-ին ավելի քան 200 հազար երեխա ԵՄ-ում ապաստան է խնդրել, իսկ մոտ 30 մլն երեխա ամբողջ աշխարհում ստիպված է եղել իր տունը լքել հակամարտության սպառնալիքի պատճառով:
