նախընտրելի դարձնել
Բելգիայում Փարիզի ահաբեկչությունների կազմակերպման մեջ կասկածվող իսլամիստ Սալահ Աբդեսլամի ձերբակալությունը հզոր հարված էր Եվրոպայում «Իսլամական պետություն» ահաբեկչական խմբավորմանը: Նման կարծիք է հայտնել Ֆրանսիայի ՆԳ նախարար Բեռնար Կազնյովը, հայտնում է ՏԱՍՍ-ը:
«Խոսքը հզոր հարվածի մասին է, որը հասցվել է Եվրոպայում ԻՊ-ին: Այս շաբաթ իրականացված գործողությունները թույլ են տվել մի քանի հոգու վնասազերծել, որոնք շատ մեծ վտանգ էին ներկայացնում եւ վճռական էին տրամադրված»,- ասել է նա:
Հիշեցնենք, որ Սալահ Աբդեսլամը ձերբակալվել էր մարտի 18-ի երեկոյան Բրյուսելի Մոլենբեկ շրջանում իրականացված հատուկ գործողությունների արդյունքում: Հրաձգության ժամանակ 26-ամյա իսլամիստը վիրավորվել էր եւ տեղափոխվել հիվանդանոց: Նրան առաջիկա ժամերին կտեղափոխեն Բելգիայի դաշնային ոստիկանություն:
