Մեկ մարդ զոհվել է ու երկուսն էլ տուժել են Գերմանիայի Դյուրեն քաղաքի վարսավիրանոցում տեղի ունեցած միջադեպի հետեւանքով, հայտնում է «ՌԻԱ Նովոստին»։

Նշում են, որ հաղորդագրություններ են ստացվել վարսավիրանոցում կրակոցների մասին, որից հետո ոստիկանները շղթայել են քաղաքի կենտրոնում գտնվող այդ սալոնը։ Սալոնում հայտնաբերել են մեկ զոհվածի, որը վերջին տեղեկություններով հենց հարձակվողն է եղել, նրա անձը դեռ չեն պարզել; Ոստիկանությունը նաեւ հայտնաբերել է երկու մարդու՝ ծանր վիրավորումներով։ Նախնական տվյալներով հրաձգության մասնակիցները «հարաբերություններ են պարզաբանել»։