նախընտրելի դարձնելԱՄՆ նախագահական ընտրություններից 20 օր առաջ Հիլարի Քլինթոնն ու Դոնալդ Թրամփը Լաս Վեգասում երրորդ եւ վերջին հեռուստաբանավեճի ընթացքում բանավիճել են աբորտի իրավունքի, ամերիկացիների զենք կրելու իրավունքի եւ Վլադմիր Պուտինի շուրջ: Այս մասին հայտնում է BBC-ն:
Բանավեճն սկսվել է Նեւադայի համալսարանում: ԱՄՆ նախագահի թեկնածուները հրաժարվել են միմյանց ձեռքը սեղմելուց: Ձեռքսեղմում չի եղել նաեւ բանավեճի ավարտից հետո: Զուսպ սկսված բանավեճն աստիճանաբար վերածվել է թեժ վեճի, որի ընթացքում ընդդիմախոսներն անընդհատ իրար ընդհատել են:
Դմոկրատական կուսակցության թեկնածուն խոստացել է պաշտպանել աբորտի իրավունքը: Իսկ Թրամփը համոզմունք է հայտնել, որ իր ընտրվելու պարագայում Գերագույն դատարանը կչեղարկի աբորտի օրինականացման որոշումը:
Նրանց կարծիքները տարբերվել են նաեւ ապօրինի միգրացիայի հարցում: Թրամփը կրկնել է, որ ԱՄՆ հարավային սահմանների երկայնքով պատ կկառուցեր, որպեսզի կասեցներ երկիր ժամանող ապօրինի միգրանտների հոսքը: Քլինթոնը կենտրոնացել է իր մրցակցի պլանների քննադատության վրա՝ նշելով, որ բոլոր ապօրինի միգրանտների արտաքսումը կհանգեցնի նրան, որ ընտանիքներն իրարից բռնի կբաժանվեն:
Նրանք անդրադարձել են նաեւ Ռուսաստանի հետ հարաբերությունների հարցին: Թրամփի դիտողությանը, թե Պուտինը Քլինթոնին «չի հարգում», դեմոկրատ թեկնածուն պատասխանել է, որ Ռուսաստանի նախագահը պարզապես կցանկանար, որ նախագահական աթոռը զբաղեցներ իր դրածոն՝ ակնհայտորեն ակնարկելով Պուտինին իր մրցակցի աջակցությունը:
