Հայաստանի բնապահպանության նախարարության բնապահպանական պետական տեսչությունը նոյեմբերի 1-12-ին 26 կազմակերպություններում ստուգումների արդյունքում, կայացրել է 25 վարչական որոշում` 2.39 մլն. դրամ գումարով եւ հաշվարկվել է 1.1 մլն. դրամ գումարի շրջակա միջավայրին պատճառված վնաս:

Մասնավորապես, բուսական աշխարհի պահպանության ոլորտում հայտնաբերված ապօրինի հատված 34 ծառերի համար հաշվարկվել է 698.25 հազար դրամ գումարի շրջակա միջավայրին պատՃառված վնասը:

Կենդանական աշխարհի պահպանության ոլորտում, Շիրակի  ՏԲ կողմից շրջայցերի ընթացքում արձանագրված ապօրինի ձկնորսության համար 1 ֆիզիկական անձի նկատմամբ կայացվել է 50 հազար դրամի վարչական տուգանքի 1 որոշում եւ  հաշվարկվել է 54 հազար դրամ գումարի շրջակա միջավայրին  պատճառված վնաս:  Առգրավվել է 54 հատ «կարաս» եւ «ծածան» տեսակի ձկներ եւ 54 գծամետր ձկնորսական ցանց:

Ոստիկանության  Գավառի բաժնի կողմից բռնագրավված եւ Գեղարքունիքի ՏԲ հանձնված   1.5կգ խեցգետին եւ 16 հատ «կարաս» տեսակի ձուկ  կենդանի վիճակում բաց է թողնվել  Սեւանա լիճ, իսկ  85 հատ «կարաս» եւ 4 հատ «կողակ» տեսակի ձուկ սահմանված կարգով հանձնվել է  Սեւանի հոգեբուժական հիվանդանոցին:

Ընդերքի պահպանության ոլորտում կայացվել է 350 հազար դրամի վարչական տուգանքի 2 որոշում: