նախընտրելի դարձնելԵրեւանում անցկացվող «Շեֆիլդի համալսարանի օրերի» շրջանակում Beeline-ի գլխավոր տնօրեն Անդրեյ Պյատախինը Հայաստանի շուկայում աշխատող մենեջերների համար վարպետության դաս է վարել «Դիմավորեք՝ գլխավոր տնօրեն. Ճանապարհ դեպի վերելք» թեմայով։
Մասնավորապես, նա ներկայացրել է իր կարիերայի մեկնարկը, ճանապարհին հաղթահարած մարտահրավերներն ու դժվարությունները, կիսվել է խորհուրդներով:
«Շեֆիլդի համալսարանի օրերը» Երեւանում անցնում են 2 օր՝ մարտի 5-ին եւ 6-ին։ Այդ ընթացքում փորձառու թոփ մենեջերները կառավարման ոլորտում աշխատող մասնագետների հետ կիսվում են իրենց գիտելիքներով, հաջողության բանաձեւերով եւ աշխատանքն ու անձնական կյանքը համատեղելու գաղտնիքներով։
«Ցանկացած գործում հաջողության հասնելու գաղտնիքը չհիասթափվելն ու սեփական ուժերին հավատալն է, սխալներից դասեր քաղելը։ Ամենահաջողակ գործարարները չեն վախենում սխալներից՝ դրանք համարելով թանկարժեք փորձ, որը բարձրացնում է հաղթանակի հասնելու հավանականությունը։ Բացի այդ՝ լավ առաջնորդը պետք է ոչ թե կառավարի մարդկանց, այլ ոգեշնչի եւ օրինակ ծառայի նրանց համար»,- նշել է Հայաստանում Beeline-ի Գլխավոր տնօրեն Անդրեյ Պյատախինը։
«Executive MBA ծրագրի ուսանողները դեպի բարձունքներ ձգտող մենեջերներ են, ովքեր համատեղում են իրենց աշխատանքը բարդ ուսումնական ծրագրի հետ եւ վճռական են գերազանց կրթություն ստանալու հարցում՝ համոզված լինելով, որ այն կնպաստի իրենց հետագա մասնագիտական հաջողություններին։ Նրանք բոլորը տարբեր ոլորտների մասնագետներ կամ ղեկավարներ են, ովքեր ցանկանում են էլ ավելի զարգացնել իրենց հմտությունները, լինել բազմակողմանի պատրաստված առաջնորդներ, ովքեր չեն վախենում դժվարություններից և փորձում են բարձրացնելով իրենց գիտելիքի որակը աջակցել թե՛ իրենց ընկերությունների, թե՛ Հայաստանի տնտեսական եւ սոցիալական զարգացմանը»,- ասում է Շեֆիլդի համալսարանի միջազգային ֆակուլտետի Տարածաշրջանային տնօրեն Լիլիթ Շահզադեյանը։
Beeline-ի ղեկավարից բացի՝ վարպետության դասեր են անցկացրել «Արմենիա Մարիոթ» հյուրանոցի եւ «ԱրմԱս»-ի տնօրենները, ինչպես նաեւ Շեֆիլդի համալսարանի Կառավարման բարձրագույն դպրոցի երկրորդ կուրսի ուսանողները։ Դասընթացի երկրորդ օրվա ընթացքում մասնակիցներին կներկայացվեն հատուկ տեխնիկաներ՝ էֆեկտիվ որոշումներ կայացնելու համար։
