Մերձավոր Արեւելքում տիրող իրավիճակը սպառնում է միջազգային խաղաղությանը եւ անվտանգությանը: Այս մասին ՄԱԿ-ի Անվտանգության խորհրդի ապրիլի 13-ի նիստին հայտարարել է կառույցի գլխավոր քարտուղար Անտոնիո Գուտերեշը, փոխանցում է «ՏԱՍՍ»-ը:

«Մերձավոր Արեւելքում այնպիսի մասշտաբների քաոս է տիրում, որ դա միջազգային խաղաղությանն ու անվտանգության դեմ ուղղված վտանգի է վերածվել, - ասել է նա:- Տարածաշրջանում գորդյան հանգույց է գոյացել. տարբեր տեսակի տարաձայնությունները հանգեցրել են անկայուն իրավիճակի, եւ սրման ու պառակտման ռիսկեր կան, ինչը հսկայական հետեւանքներ կարող է ունենալ տարածաշրջանի եւ ամբողջ աշխարհի համար»: