նախընտրելի դարձնելՀանրապետության նախագահ Արմեն Սարգսյանն այսօր ընդունեց Քաթարից եւ Չինաստանից ժամանած գործարարների խմբի, որոնց մեջ Barwa Bank-ի նախագահ Շեյխ Մոհամմեդ Համադ Ալ-Թանին/Sheikh Mohammed Hamad J.J. Al-Thani, PowerChina միջազգային խմբի նախագահ Սոն Դոնշենին/Song Dongsheng, Redco International W.L.L. գործադիր տնօրեն Սաիֆ-ուր-Ռեհման Խանին/Saif-Ur-Rehman Khan եւ ուրիշների:
Հանրապետության նախագահը ներկայացրեց Հայաստանի ներդրումային գրավչությունը մի շարք ոլորտներում, ինչպես նաեւ նպաստավոր դիրքը Եվրասիական շուկայի եւ Ծոցի երկրների միջեւ:
ՀՀ նախագահի մամուլի գրասենյակից NEWS.am-ին հայտնում են, որ քննարկվեցին էներգետիկայի, բանկային եւ տուրիզմի ոլորտներում ներդրումներ կատարելու հնարավորությունները: Հանրապետության նախագահը վստահեցրեց, որ Հայաստանում առկա են ներդրումների համար ամուր երաշխիքներ, իսկ ընթացքի մեջ գտնվող բարեփոխումներն ավելի լայն հնարավորություններ կբացեն օտարերկրյա գործարարների համար:
