նախընտրելի դարձնել
ՄԱԿ արտադատական, գումարային կամ կամայական պատիժների հարցերով հատուկ զեկուցող Ագնես Կալամարը հայտարարել է, որ հաջորդ շաբաթ կուղեւորվի Թուրքիա, որպեսզի ղեկավարի սաուդցի լրագրող Ջամալ Խաշոգջիի սպանության «անկախ միջազգային քննությունը», փոխանցում է Reuters-ը:
Նա մտադիր է այցի ընթացքում գնահատել ի պատասխան սպանության կառավարությունների ձեռնարկած քայլերը եւ «սպանության համար պետությունների ու առանձին անձանց պատասխանատվության բնույթն ու աստիճանը»:
«Իմ եզրահանգումներն ու խորհուրդները 2019 թվականի հունիսի նիստում կներկայացվեն ՄԱԿ մարդու իրավունքների հարցերով Խորհրդին»,- ասել է նա:
Հիշեցնենք, որ սաուդցի լրագրող Ջամալ Խաշոգջին անցյալ տարվա հոկտեմբերին սպանվել էր Ստամբուլում Սաուդյան Արաբիայի հյուպատոսարանում: Էր Ռիադը սպանության փաստն ընդունել էր լրագրողի անհետանալուց միայն 2 շաբաթ հետո: Սաուդցիները պնդում են, որ սպանությունը «պատահաբար» է կատարվել: Խաշոգջիի մարմինը մինչ օրս չի գտնվել:
