նախընտրելի դարձնել
Հարավային Կորեայում կրոնական պաշտամունքի առաջնորդ Շին Օկ-յուին 6 տարվա ազատազրկման են դատապարտել՝ իր կողմնակիցներին Ֆիջի կղզում գերեվարելու եւ բռնության ռիսկի ենթարկելու համար, հաղորդում է BBC News-ը:
Շին Օկ-յուն, որը հիմնադրել է ճանապարհային ողորմության եկեղեցին, 2014 թվականին 400 մարդու համոզել է տեղափոխվել Ֆիջի կղզի՝ հայտարարելով, որ հենց այնտեղ նրանց անխուսափելի բնական աղետներից փրկություն է սպասվում:
Կրոնական պաշտամունքի առաջնորդն իր կողմնակիցներից վերցրել է նրանց անձնագրերը: Շատերը հայտնել են, որ իրենց ծեծի են ենթարկել՝ «չար ոգիներին վտարելու համար»:
Շինը ձերբակալվել է անցած տարվա հուլիսին:
Երկուշաբթի Հարավային Կորեայի դատարանը նրան մեղավոր է ճանաչել մի շարք հանցագործությունների համար, այդ թվում՝ բռնություն, անչափահասների նկատմամբ բռնություն եւ խարդախություն:
