Իսլանդիայում մասնագետները նկատում են  Հեկլա հրաբխի ակտիվացում, որը միջնադարում հայտնի էր «Դժոխքի դռներ» անունով:  Ինչպես հաղորդում է «France-Presse»-ը` հղում կատարելով իսլանդացի երկրաֆիզիկոսներին, վերջին շրջանում սրաքավորումները ցույց են տալիս մագմայի տեղաշարժ հրաբխի ընդերքում: Իսլանդացի գիտնականների կարծիքով` հրաբուխը պատրաստ է արթնանելու, թեեւ պարտադիր չէ, որ ժայթքումն սկսվի առաջիկա օրերին:

Նշենք, որ Հեկլա հրաբուխն ամենաակտիվներից  է Իսլանդիայում. վերջին անգամ ժայթքել է 11 տարի առաջ: Այն, միջին հաշվով, արթնանում է տասնամյակը մեկ: