նախընտրելի դարձնելԻսրայելում մեդուզաների մեծ կուտակումների պատճառով դադարեցվել է «Օրոնտ Ռաբին» էլեկտրակայանի աշխատանքը: Ինչպես հաղորդում է «The Daily Mail»-ը, Միջերկրական ծովի ափին գտնվող Հադերա քաղաքի մոտ տեղակայված կայանի աշխատանքը դադարեցրել են` մեդուզաների կողմից սառեցման համակարգն արգելափակելուց հետո: Սառեցման համար օգտագործվում է ծովի ջուր: Կայանի աշխատակիցներն ստիպված են եղել ֆիլտրերը մաքրել մեդուզաներից:
Հունիսի 28 –ին նույն պատճառով Շոտլանդիայում դադարեցվել էր «Տորնես» ատոմակայանի աշխատանքը: Իսկ հունիսի 24-ին մեդուզաները փակել էին -ճապոնական «Սիմանե» ատոմակայանի էներգաբլոկներից մեկի սառեցման համակարգը:
Փորձագետների կարծիքով` նման քանակի մեդուզաների ի հայտ գալը կարող է կլիմայի փոփոխության ուղղակի հետեւանք լինել:
