նախընտրելի դարձնել
Ադրբեջանի Գետաբեկի շրջանի Սոյուդլու գյուղում ոստիկանության գազանություններն ու դրանց պատճառները ակնառու կերպով ցույց են տալիս Ադրբեջանում առկա բնապահպանական, քաղաքական և սոցիալական խնդիրների սրությունն ու խորությունը։ Այս մասին իր տելեգրամյան ալիքում գրել է Արցախի նախկին պետնախարար, մարդու իրավունքների նախկին պաշտպան Արտակ Բեգլարյանը։
«Մի քանի նկատառում դրանց մասին
- Այսքան սուր և բազմամյա բնապահպանական խնդիրների պայմաններում որտե՞ղ են, այսպես կոչված, ահաբեկիչ-բնապահպանները, որոնք «աղավնու» բնապահպանի դիմակով սկսեցին Արցախի հանցավոր շրջափակումը։
- Սեփական օգտագործված քաղաքացներին ծեծող ոստիկանությունը ապրիլի 28-ից Շուշիի մոտ փոխարինեց ահաբեկիչներին, որոնք մեծ տառապանքներ բերեցին 120 հազ․ մարդու՝ շարունակելով պետական ահաբեկչության շղթան։
- Հասկանալի է, որ մարդը արժեք չէ Ալիևի բռնապետական ռեժիմի համար, կարևոր չէ, հայ լինի, թե ադրբեջանցի, կարևորը հպատակեցնել մարդկանց, պահպանել իշխանությունը և ոսկի կուտակել։
- Կարևոր է հաշվի առնել, որ Գետաբեկի ոսկու հանքավայրը նույն ֆեոդալական այլանդակությամբ շահագործում է նույն անգլաասիական լեռնաարդյունաբերական ընկերությունը, որին անցյալ տարի ադրբեջանական իշխանությունները ապօրինաբար խոստացան «հանձնել» արցախյան «Կաշեն» պղնձի հանքավայրը, և այս նույն կազմակերպությունը շրջափակման գլխավոր մեղավորներից և կողմնակիցներից մեկն է։
- Պատկերացնո՞ւմ եք ինչ մասշտաբի բնապահպանական աղետ է սարքել այնտեղ այդ ընկերությունը, որ նույնիսկ այդպիսի բռնապետական երկրում բողոքի ցույց է անցկացվում։ Եվ «Կաշենի» հանքավայրի նրանց կողմից «վիճարկելի» բնապահպանական ստանդարտները կարող են ուղղակի երազանք թվալ Ադրբեջանի հետապնդվող բնակչության համար։
- Եվ այս հանցավոր ռեժիմը և ընկերությունն ուզում են ուժով նվաճել Արցախի ժողովրդի հայրենիքն ու բնական հարստությունները։ Իդեպ, հիշեցնեմ, որ այդ նույն Գետաբեկը ինչ-որ ժամանակ ամբողջապես հայկական և հայաբնակ տարածք էր, որն աստիճանաբար ենթարկվեց էթնիկական զտման և յուրացվեց ադրբեջանցիների կողմից։
- Ես համոզված եմ, որ ուրիշի հողին և ունեցվածքին աչք դրած այս հանցագործներին նոր անակնկալներ են սպասվում։ Կարծում եմ, որ երբևէ ամբողջովին կբացահայտվի անգլաասիական գործերին Ալիևի կլանի հանցավոր մասնակցությունը։ Սրա վերաբերյալ արդեն որոշ բացահայտումներ է արել աշխարհում հանրաճանաչ OCCRP կազմակերպությունը, նույն այն հայտնի «Պանամական փաստաթղթերում»՝ հետաքննության համաձայն բացահայտելով, որ Ալիևի դուստրերը այդ ընկերության սեփականատերերն են»,- նշել է Բեգլարյանը։
