նախընտրելի դարձնել
Ադրբեջանը Լեռնային Ղարաբաղում էթնիկ զտումների ագրեսիվ քարոզչություն է իրականացնում. Այս մասին Twitter-ի իր էջում գրել է ՀՀ ԱԳՆ մամուլի քարտուղար Անի Բադալյանը։
«Լեռնային Ղարաբաղի բնակչության իրավունքների և անվտանգության մասին խոսելու փոխարեն Ադրբեջանը շարունակում է էթնիկ զտումների իր ագրեսիվ քարոզչությունը. 2 տեսանյութ ԼՂ-ի դեմ «Վրեժ 3» նոր գործողության մասին պետական հեռուստատեսությամբ, առցանց հարցում, որտեղ 83%-ը «այո» են ասել», -գրել է ԱԳՆ մամուլի քարտուղարը։
Նա նշել է, որ սա թշնամանքի բացահայտ դրսեւորում է, որը պարտադիր միջազգային դատապարտման և կանխարգելման կարիք ունի։
Հայաստանի Հանրապետությունը Լեռնային Ղարաբաղի հետ կապող Լաչինի միջանցքը շարունակում է փակ մնալ 2022 թվականի դեկտեմբերից։ Ապրիլի 23-ին Ադրբեջանը փակել է Լաչինի միջանցքի մուտքի Խաքարի գետի կամուրջը և անցակետ տեղադրել։ Արդյունքում Հայաստանի Հանրապետությունից կտրվել են ղարաբաղյան Եղցաոհ, Հին Շեն, Մեծ Շեն, Լիսագոր գյուղերը։
Հունիսի 15-ին Ադրբեջանն ամբողջությամբ արգելափակել է երթևեկությունը, այդ թվում՝ խաղաղապահների և ԿԽՄԿ-ի համար։ Հունիսի 23-ին Լաչինի միջանցքով վերականգնվել է երթևեկությունը՝ 10-օրյա ընդհանուր շրջափակումից հետո Լեռնային Ղարաբաղից Հայաստան հիվանդներին տեղափոխելու համար։
Instead of addressing rights &security of #NagornoKarabakh ppl, AZ continues aggressive propaganda of ethnic cleansing:2videos on new “Revenge3”operation agnst NK by state TV, online poll w/83% to say “yes”to it. Blatant display of hostility:intl condemnation &prevention is must. pic.twitter.com/U7Pv6KzpqO
— Ani Badalyan, Spokesperson of MFA of Armenia (@ArmSpoxMFA) July 3, 2023
