Թերթը գրում է, որ աշնանային զորակոչին ընդառաջ՝ ՀՀ պաշտպանության նախարարությունում մի շարք բարձրաստիճան պաշտոնյաների ձերբակալություններ են սպասվում: «Հավաստի տեղեկություններով՝ պատճառն այն է, որ զորակոչի ընթացքում կաշառատվությունը մշտապես մեծանում է, եւ բարձրաստիճան զինվորականներն իրենց գրպանները տռզացնում են՝ հարուստների երեխաներին «հիվանդ ձեւակերպելով», իսկ աղքատները, որոնք հաճախ հիվանդ են լինում, ուղարկվում են դիրքեր: Բանակում շատացող հանցագործություններն ու իրական ինքնասպանությունները ՊՆ ղեկավարությանը ստիպել են փոխել տարիների արմատացած դրվածքը, որպեսզի բանակ գնան թեկուզ քիչ, բայց որակյալ զինվորներ: Տեսնենք, թե ինչ արդյունք կտա որդեգրված նոր սկզբունքը»,- գրում է «Ժողովուրդ»-ը: