ՆախընտրելիՀայաստանի մշակույթի նախարարությունը եւ «Հովհաննես Իմաստասեր Կաթողիկոս Օձնեցի» բարեգործական հիմնադրամը, համատեղ ջանքերով կվերականգնեն ՀՀ Լոռիի մարզի Օձուն գյուղի Սուրբ Մարիամ Աստվածածին եկեղեցին (V դար):
Սա մասնավոր հատված-պետություն նոր ձեւաչափի համագործակցություն է:
Մասնավորապես ՀՀ մշակույթի նախարարությունը կոթողի վերականգնման ծրագրի շրջանակներում, 2010 թ. պետական բյուջեով արդեն իսկ իրականացրել է եկեղեցու նախագծի կազմումը, հաստատումը, ՀՀ օրենսդրությամբ սահմանված անհրաժեշտ փորձաքննությունների անցկացումը, իսկ հիմանդրամը իր հերթին պարտավորվում է ֆինանսավորել եկեղեցու վերանորոգման ու վերակառուցման ծրագրով նախատեսված բոլոր աշխատանքները:
ՀՀ մշակույթի նախարարությունը եւ «Հովհաննես Իմաստասեր Կաթողիկոս Օձնեցի» բարեգործական հիմանդրամը Օձունի պատմամշակութային կոթողի վերականգնման վերաբերյալ իրենց մտադրությունները կամրագրեն եւ կհաստատեն Հուշագրի ստորագրումով: Հուշագիրը կստորագրեն Մշակույթի նախարար Հասմիկ Պողոսյանը եւ «Հովհաննես Իմաստասեր Կաթողիկոս Օձնեցի» բարեգործական հիմանդրամի հիմնադիր, արմատներով օձնեցի, ռուսաստանաբնակ գործարար Մովսես Ձավարյանը:
Նշենք, որ Օձունի տաճարը (Սբ Հովհաննես եկեղեցի) գտնվում է պատմական Գուգարաց նահանգի Տաշիր գավառի Օձուն գյուղում: Տաճարը կառուցվել է 6-րդ դարում, այն գմբեթավոր բազիլիկ եկեղեցիների տիպին պատկանող կառույց է: Կիրակոս Գանձակեցու հիշատակությամբ հուշարձանը կառուցվել է 8-րդ դարում հայոց կաթողիկոս Հովնան Օձնեցու կողմից, սակայն ուսումնասիրողները չեն ընդունում պատմիչի նշած թվագրումը եւ կառույցը համարում են ավելի վաղ ժամանակաշրջանի շինություն:
Տաճարի թմբուկը ութանիստ է: Հարուստ է քանդակներով եւ վիմական արձանագրություններով: Հուշարձանը կառուցված է դեղնաշագանակագույն սրբատաշ ֆելզիտից: Տաճարը եւ շրջակայքում գտնվող կոթողը ավելի ուշ շրջապատվել են քարե պարսպով:
Ընդհանուր առմամբ, միջամտության կարիք ունեն որմնախարիսխները եւ հուշարձանի ծածկերը: Անհրաժեշտ է վերականգնել 1980-ական թթ. վերջերին ապամոնտաժված եւ խարխլված վիճակում գտնվող արտաքին:
