նախընտրելի դարձնելԵվրասիական տնտեսական համագործակցության երկրների վարչապետները Մաքսային միությանը Ղրղըզստանի միանալու որոշում են կայացրել: Այս մասին հայտնել է այդ երկրի վարչապետի պաշտոնաատար Օմուրբեկ Բաբանովը, տեղեկացնում է «ՌԻԱ Նովոստին»:
Հիշեցնենք, հոկտեմբերի 3-ին «Իզվեստիա» թերթում լույս էր տեսել Ռուսաստանի վարչապետ Վլադիմիր Պուտինի հոդվածը` նվիրված Ռուսաստանի, Բելառուսի եւ Ղազախստանի Մաքսային միության հիմքի վրա Եվրասիական Միություն ստեղծելուն: Ըստ նրա` այս նոր միությունը չի դառնա ԽՍՀՄ-ի պատճենը, այլ կկազմավորվի նոր արժեքների հիմքի վրա: Հայաստանն արդեն հավանություն է տվել այս գաղափարին:
Բելառուսի նախագահը Պուտինի այս հայտարարությունն անվանել է «իսկական իրադարձություն»: «Ռուսաստանը երկար տարիներ անց առաջին անգամ առանց երկիմաստության հայտարարեց այն պետությունների հետ հարաբերությունների առաջնայնության մասին, որոնց հետ, մեջբերելով դասականին, դուրս է եկել խորհրդային ընդհանուր շինելից», - հայտարարել է Ալեքսանդր Լուկաշենկոն:
Իսկ Վրաստանի արտաքին գործերի նախարար Գրիգոլ Վաշաձեն հոկտեմբերի 19-ին հայտարարել է, որ իր երկիրը «ոչ մի ցանկություն եւ մտադրություն չունի» միավորվելու Մաքսային Միությանը կամ «Ռուսաստանի հովանու ներքո» ստեղծված Եվրասիական Միությանը:
Հիշեցնենք նաեւ, որ հոկտեմբերի 18-ին ԱՊՀ երկրների կառավարությունների ղեկավարները հոկտեմբերի 18-ին Սանկտ Պետերբուրգում կայացած հանդիպման ընթացքում պայմանագիր են ստորագրել ազատ առեւտրի գուտու մասին` 10 տարվա աշխատանքից հետո: Համաձայնագիրը, սակայն, հրաժարվել են ստորագրել Ադրբեջանը, Ուզբեկստանը եւ Թուրքմենիան:
