նախընտրելի դարձնելԴոնի Ռոստովի դատարանը պետական դավաճանության համար դատապարտել է ռուսական բանակի նախկին զինծառայող Դավիթ Ալիեւին: Այս մասին հոկտեմբերի 19-ին հայտնել է ԻՏԱՐ-ՏԱՍՍ-ը:
Ալիեւին մեղավոր են ճանաչել Վրաստանի օգտին լրտեսություն իրականացնելու մեջ եւ 10 տարվա ազատազրկման են դատապարտել: Ալիեւի մայրը, ով օգնել է որդուն գաղտնի տեղեկություններ փոխանցել, դատապարտվել է 8 տարվա ազատազրկման:
Ամբաստանյալ Ալիեւները մեղադրվում են հարավային ռազմական շրջանի ռուսական զորամասերի մասին Վրաստանի հատուկ ծառայություններին տվյալներ հաղորդելու մեջ:
Հետաքննությունը տեղեկություններ ունի, որ լեյտենանտ Դավիթ Ալիեւը գաղտնի տվյալներ է հավաքել շրջանի զորքերի մասին եւ փոխանցել մորը` Իրինա Ալիեւային, որն էլ Վրաստանի հետ միջնորդն է եղել:
Ալիեւները մեղադրվում են ՌԴ քրեական օրենսգրքի 275-րդ հոդվածով` («Պետական դավաճանություն լրտեսության միջոցով»):
