Լիբանանի հնգակի նախկին վարչապետ Սալիմ Հոսը, որը զբաղեցրել է այդ պաշտոնը  իր երկրի ժամանակակից պատմության ամենաբուռն տարիներին, կիրակի մահացել է 94 տարեկան հասակում, տեղեկացրել է ներկայիս վարչապետը, հաղորդում է AP-ն:

Վարչապետի պաշտոնակատար Նաջիբ Միքաթին Հոսին անվանել է «Լիբանանի խիղճը»։

Նա հավելել է, որ Հոսը «կյանքից հեռացավ ամենադժվար և նրբանկատ փուլում, երբ Լիբանանը խղճի կարիք ունի»։

«Հոսը ականավոր տնտեսագետ էր և օրինակ՝ իր փորձառության, էթիկայի և գիտելիքների շնորհիվ, - նշել է Միքաթին:- Նա իր բոլոր պատկերացումներից վեր էր դասում երկրի և քաղաքացիների շահերը»:

Հոսին հաճախ տեխնոկրատ էին անվանում և հարգում որպես հազվագյուտ պետական ​​գործչի մի երկրում, որը նշանավորվում էր քաղաքական և միջկրոնական տարաձայնություններով։

1975-ից 1990 թվականները տևած 15-ամյա քաղաքացիական պատերազմի ընթացքում նա չորս ժամկետ զբաղեցրել է վարչապետի պաշտոնը։ Նրա պաշտոնավարման վերջին ժամկետը եղել է 1998-2000 թվականներին։