Նախընտրելի
Միացյալ Նահագների ռազմական օգնության փաթեթները Ուկրաինային վերջին ամիսներին փոքրացել են, քանի որ սպառազինության և տեխնիկայի պաշարները, որոնք Պենտագոնը պատրաստ է ուղարկել Կիև իր պաշարներից, նվազել են, հայտնում է CNN-ը։
Փոփոխությունները տեղի են ունենում այն մտավախությունների պայմաններում, որ ԱՄՆ զինված ուժերի մարտունակությունը կարող է տուժել, քանի որ ամերիկյան զենք արտադրողները Ռուսաստանի դեմ պատերազմով պայմանավորված ասես մեծ պահանջարկի «մրցախաղեր» են անցկացնում:
Միջոցների ներկա անբավարարությունը նշանակում է, որ ԱՄՆ նախագահ Ջո Բայդենի վարչակազմը դեռևս 6 միլիարդ դոլար ունի Ուկրաինային սպառազինելու և զինելու համար, սակայն Պենտագոնը չի կարող ապահովել այն մատակարարումները, որոնք պատրաստ է մատակարարել պատերազմի սկսվելուց ավելի քան երկու տարի անց, CNN-ին հայտնել են ԱՄՆ երկու պաշտոնյաներ:
«Խոսքը վերաբերում է մեր դարակներում եղած պաշարներին, և նրան, թե ինչ են խնդրում (ուկրաինացիները), և արդյոք մենք կարող ենք բավարարել այդ խնդրանքները՝ ներկայում մեր ունեցած պաշարների պարագայում», - նշել է լրատվամիջոցի աղբյուրը:
Պենտագոնը Կոնգրեսին խնդրել է ավելի շատ ժամանակ տրամադրել գումարը ծախսելու համար՝ նախքան սեպտեմբերի վերջին դրա ժամկետի ավարտը, հայտարարել է Պենտագոնի խոսնակ, գեներալ-մայոր Փեթ Ռայդերը: Սա նախորդ ձմռան համեմատ կտրուկ փոփոխություն է, երբ ԱՄՆ վարչակազմը օրենսդիրներին խնդրեց լրացուցիչ միջոցներ տրամադրել Ուկրաինային աջակցելու համար:
