Մալայզիական F/A-18D Hornet կործանիչը հրդեհի պատճառով վթարի է ենթարկվել Մալայզիայի Կուանտան ավիաբազայի թռիչքուղու վրա։ Այս մասին հայտնել է Malay Mail թերթը՝ հղում անելով թագավորության Ռազմաօդային ուժերին։

«Ինքնաթիռը հագեցած է տվյալների հավաքագրման համակարգով, որը նման է սև արկղին։ Կվերլուծենք դրանք՝ պարզելու համար, թե ինչն է հանգեցրել վթարին։ Քանի դեռ պատճառը պարզված չէ, F/A-18D Hornet-ի բոլոր թռիչքները ժամանակավորապես կասեցված են», - մեջբերում է պարբերականը թագավորական ՌՕՈւ-ի հրամանատարի խոսքը։

Ըստ նրա, կործանիչի օդաչուն ստացել է մեջքի վնասվածք և թեթև այրվածքներ, մինչդեռ երկրորդ օդաչուն սալջարդերով է բավարարվել։ Միջադեպից անմիջապես հետո նրանց տեղափոխել են տեղի հիվանդանոց՝ հետազոտության համար։

«Քննչական խումբը սկսում է աշխատանքը և սեղմ ժամկետներում նախնական զեկույց կներկայացնի», - ասվում է ռազմաօդային ուժերի հաղորդագրության մեջ։