ԱՄՆ նախագահ Դոնալդ Թրամփը ուրբաթ օրը հայտարարել է, որ առաջարկել է Սերջիո Գորին դառնալ Հնդկաստանում ԱՄՆ հաջորդ դեսպանը, ինչպես նաև Հարավային և Կենտրոնական Ասիայի հարցերով հատուկ բանագնացը:

«Աշխարհի ամենախիտ բնակեցված տարածաշրջանի համար կարևոր է, որ ես ունենամ մեկին, ում կարող եմ լիովին վստահել, ով կկատարի իմ ծրագիրը և կօգնի մեզ ԱՄԵՐԻԿԱՆ ԿՐԿԻՆ ՀԶՈՐ ԴԱՐՁՆԵԼ», - գրել Է Թրամփը Truth Social սոցցանցում:

Նա հավելել է, որ մինչև պաշտոնում հաստատվելը՝ Գորը կմնա Սպիտակ տան իր ներկայիս պաշտոնում:

Թրամփը նշել է, որ Գորը և նրա թիմը վարչակազմում աշխատանքի են ընդունել գրեթե 4000 «Ամերիկայի առաջին հայրենասերներին»։

«Սերխիոյի դերը որպես նախագահի մարդկային ռեսուրսների ղեկավար կարևոր էր այն աննախադեպ մանդատի իրականացման համար, որը մենք ստացել ենք ամերիկացի ժողովրդից», – նշել է Թրամփը։