նախընտրելի դարձնել
Մեծ Բրիտանիայի պաշտպանության նախարար Ջոն Հիլին չորեքշաբթի օրը հայտարարել է, որ իր երկրի ինքնաթիռները կշարունակեն թռչել Լեհաստանի վրայով մինչև այս տարվա վերջ, քանի որ «Արևելյան պահապան» առաքելության մեջ երկարաձգվում է բրիտանական ներգրավվածությունը, հաղորդում է Reuters-ը։
«Մենք նաև ավելացնում ենք մեր անօդաչու սարքերի արտադրությունը՝ Ուկրաինայի համար», - ասել է նա լրագրողներին՝ մինչ Բրյուսելում ՆԱՏՕ-ի պաշտպանության նախարարների հանդիպմանը մասնակցելը։
Ավելի վաղ Մեծ Բրիտանիայի պաշտպանության նախարարությունը հայտնել էր, որ ընդամենը վեց ամսվա ընթացքում Ուկրաինա է տեղափոխվել ավելի քան 85,000 ռազմական անօդաչու թռչող սարք։
ՆԱՏՕ-ի գլխավոր քարտուղար Մարկ Ռյուտեն սեպտեմբերին հայտարարել է «Արևելյան պահապան» (Eastern Sentry) ծրագրի գործարկման մասին՝ Լեհաստանի տարածք անօդաչու թռչող սարքերի ներխուժման լույսի ներքո։
Ռյուտեի խոսքով ՝ այս ծրագրի մեկնարկի նպատակը ՆԱՏՕ-ի արևելյան թևում դիրքերի ամրապնդումն է:
