Կտրիճ Ներսիսյանը (նկատի ունենալով Ամենայն հայոց կաթողիկոս Գարեգին II-ին – խմբ.) հիբրիդային պատերազմի կոնկրետ օրինակ է։ Այս մասին հունվարի 15-ին լրագրողների հետ կայացած զրույցում հայտարարել է Հայաստանի վարչապետ Նիկոլ Փաշինյանը՝ պատասխանելով NEWS.am-ի թղթակցի հարցին՝ ուղղված Հայաստանի իշխանություններին ներկայացվող այն մեղադրանքներին, թե Ռուսաստանը Հայաստանի դեմ հիբրիդային պատերազմ է մղում։

Միևնույն ժամանակ, կառավարության ղեկավարն անպատասխան է թողել այն հարցը, թե արդյոք Ռուսաստանի նախագահ Վլադիմիր Պուտինի հետ իր վերջին հանդիպումների ժամանակ հայտնել է այդ մասին և հետաքրքրվել է, թե ինչու է Հայաստանի դեմ հիբրիդային պատերազմ մղվում։

Պատասխանելով մեկ այլ լրագրողի մեկ այլ հարցի՝ նա նշել է, որ կա մեկ դավաճան՝ Կտրիճ Ներսիսյանը, ով, իր համոզմամբ, «Կտրիճ Ներսիսյանն է դավաճանել Հայ Առաքելական Եկեղեցուն և Հիսուս Քրիստոսին և հավատավոր հետևորդներին»։ «Նա վեհափառ չէ, նա սովորական դավաճան է, ով դավաճանել է Հիսուս Քրիստոսին»,- հավելել է Փաշինյանը։