Նախընտրելի
Ֆրանսիան պատրաստվում է օրենսդրորեն հրաժարվել «ամուսնական պարտքի» հայեցակարգից։ Նոր օրինագիծը կբացառի ամուսինների ցանկացած իրավաբանական պարտավորություն ինտիմ ոլորտում, տեղեկացրել է AFP գործակալությունը։
«Ազգային ժողովի աջակցությունն ստանալու հավանականություն ունեցող օրինագծի համաձայն՝ համատեղ կյանքը ամուսինների վրա որեւէ պարտավորություն չի դնում սեռական հարաբերությունների վերաբերյալ»,- նշվել է հրապարակման մեջ։
Ինչպես նշվել է, նախաձեռնության նպատակն է համապատասխանեցնել ազգային օրենսդրությունը անձնական ազատության եւ համաձայնության ժամանակակից հասկացություններին։ Ներկայում օրենսգիրքը հստակ չի հիշատակում «ամուսնական պարտք» տերմինը, սակայն որոշ դատարաններ «ընտանեկան կյանք միասին վարելու» պարտավորությունը մեկնաբանել են որպես սեռական հարաբերություններ ունենալու պարտավորություն։ Այս հարցը լայնորեն քննարկվել է 2019թ․ կարեւոր դատական նախադեպում, որը հետագայում չեղյալ է հայտարարվել Մարդու իրավունքների եվրոպական դատարանի կողմից 2025թ․ հունվարին։
