նախընտրելի դարձնել
Իրանից Իրաք բնական գազի մատակարարումները վերջին շաբաթվա ընթացքում զգալիորեն աճել են։ Ինչպես հայտնել է Իրաքի Էներգետիկայի նախարարության ներկայացուցիչ Ահմեդ Մուսան, արտահանման ծավալը մոտավորապես 6 միլիոն խորանարդ մետրից հասել է օրական 18 միլիոն խորանարդ մետրի, տեղեկացնում է Reuters-ը։
Ըստ նրա, լրացուցիչ ծավալները հիմնականում ուղղվել են Իրաքի հարավային շրջաններ, որտեղ խոշոր էլեկտրակայաններ կան։
Մատակարարումների աճը պետք է օգնի կայունացնել էլեկտրաէներգիայի արտադրությունը երկրում՝ բարձր պահանջարկի և տարածաշրջանի անկայուն իրավիճակի պայմաններում։
Իրաքի իշխանությունների գնահատմամբ, օրական 18 միլիոն խորանարդ մետր մատակարարումը մասնակիորեն կփոխհատուցի էլեկտրակայանների վառելիքի պակասը և կօգնի պահպանել երկրի էներգահամակարգի կայուն աշխատանքը։
Իրաքը մեծապես կախված է Իրանից ստացվող էներգետիկ մատակարարումներից։ Ըստ պաշտոնական տվյալների, Իրանից ներմուծվող գազն ու էլեկտրաէներգիան ապահովում են երկրի էլեկտրաէներգիայի պահանջարկի մոտ մեկ երրորդից մինչև 40 տոկոսը։ Ցանկացած խափանում մատակարարումներում անմիջապես անդրադառնում է էլեկտրակայանների աշխատանքի վրա և կարող է հանգեցնել էլեկտրականության անջատումների։
