Կայքի շարժական տարբերակն արդեն հասանելի է. ՓՈՐՁԵՔ ԱՅՆx

Արխիվ

Partner News

Գագիկ Ջհանգիրյանին կյանքում հիասթափեցրել են մի քանի գեղեցիկ աղջիկներ եւ կանայք

Գագիկ Ջհանգիրյանին կյանքում հիասթափեցրել են մի քանի գեղեցիկ աղջիկներ եւ կանայքՕգոստոս 01, 2012 | 00:21

«Բլից հարցազրույցներ ԱԺ պատգամավորների հետ» շարքի շրջանակներում NEWS.am-ը ներկայացնում է իր հերթական հարցազրույցը: Այս անգամ զրուցել ենք Հայ ազգային կոնգրես խմբակցության պատգամավոր Գագիկ Ջհանգիրյանի հետ:

Երեք բառով նկարագրեք ձեզ:

Սովորական մարդ եմ:

Որո՞նք են ձեր դրական կողմերը:

Սկզբունքային եմ եւ պահանջկոտ:

Իսկ բացասական կողմե՞րը:

Երբեմն չափից ավելի ներողամիտ եմ:

Ձեր թուլությունը:

Գեղեցիկը գնահատող եմ:

Որպես գեղեցիկը գնահատող մարդ` ի՞նչ եք կարծում` գեղեցկությունը կփրկի աշխարհը:

Ինձ թվում է` բարությունը պետք է փրկի աշխարհը:

Ձեր կարգախոսը;

Լինել ազնիվ, շիտակ եւ չշեղվել հիմնական նպատակից:

Ինչի՞ց եք վախենում:

Շողոքորթությունից:

Ի՞նչը կփոխեիք ձեր մեջ:

Եթե ամեն ինչ նորից սկսեի, կվարվեի նույն կերպ, կապրեի նույն կյանքով:

Ու՞մ հանդեպ եք  ձեզ մեղավոր զգում:

Մեղավոր եմ զգում ծնողներիս հանդեպ:

Ի՞նչի համար եք զղջում:

Որեւէ խոսքի կամ արած քայլի համար չեմ զղջում, բայց մեղավոր եմ զգում ինձ ծնողներիս առջեւ:

Ե՞րբ եք ստում:

Երբեմն բարի նպատակներով չեմ ասում ամբողջ ճշմարտությունը:

Ի՞նչն է ձեզ զայրացնում:

Անազնվությունը, դավաճանությունը, կեղծիքը, շողոքորթությունը, քծնանքը, պաշտոնամոլությունը:

Փողը, հարստությունը, պաշտոնները երբեւէ ձեր մեջ որեւէ բան փոխե՞լ են, ազդե՞լ են ձեր վրա:

Դուք պետք է այդ հարցը չտայիք, որովհետեւ դուք տեսել եք, թե ես ինչքան հեշտությամբ եմ հրաժարվում բարձր պաշտոններից: Ես կարծում եմ, որ մարդն ավելին է, քան այն աթոռը կամ պաշտոնը, որի վրա նա նստած է: Մարդը պետք է բերի այդ պաշտոնին հեղինակություն, ոչ թե աթոռը` մարդուն:

Հայաստանի պատմության մեջ սիրելի քաղաքական գործիչը ո՞վ է:

Հայաստանի հիմնադիր նախագահ Լեւոն Տեր-Պետրոսյանը:

20-21-րդ դարի հայտնի մարդկանցից ո՞ւմ հետ կցանկանայիք հանդիպել:

Ում հետ, ցանկանում եմ, հանդիպում եմ, ես այդպիսի խնդիր չունեմ:

Ձեր կյանքի ամենամեծ սխալը:

Չեմ կարծում, որ  ես երբեւիցե մեծ սխալներ եմ գործել, բացթողումներ, թերություններ ունեցել եմ, բայց սխալներ` ոչ:

Ձեր վատագույն սովորությունը:

Ամենավատ սովորությունը, որ ինձ դրա համար երբեմն հանդիմանում են, կշտամբում են, չափից դուրս պահանջկոտությունն ու բծախնդրությունն է:

Չսիրելի զբաղմունքներ:

Պարտադրված սրա-նրա հարսանիքին, քեֆերին, ուրախություններին ներկա լինելը, այ չեմ սիրում:

Իսկ սիրելի զբաղմունքներ:

Սիրում եմ իմ մասնագիտությունը, սիրում եմ նաեւ աշխատել հողի հետ:

Գուշակների երբեւէ այցելե՞լ եք:

Չէ, երբեմն գուշակներն են ինձ այցելում:

Եւ ի՞նչ ապագա են կանխատեսել ձեզ համար:

Չգիտեմ, լուրջ չեմ վերաբերում գուշակներին:

Ի՞նչ վտանգներ եք կյանքում զգացել եւ հաղթահարել:

Գոյություն ունեցող բոլոր վտանգներն էլ կյանքում ապրել եմ, պետք չէ մանրամասնել:

Մանկական եւ ոչ մանկական չարաճճիություններ:

Դե արի, հիշի, ես մեծ մարդ եմ, մանկական ի՞նչ չարաճճիություններ եմ արել: Միշտ իմ հասակակիցների համեմատ ավելի լուրջ եմ եղել:

Լուսանկարներ:

Այդպիսի հարցերի վրա երբեք չեմ կենտրոնացել: Երբ ինձ լուսանկարում են, ասում եմ` պրոֆիլ հանկարծ չնկարեք, որովհետեւ քիթս մեծ է:

Հիշողություններ:

Աշխատում եմ վատ հիշողություններից ձերբազատվել:

Ո՞վ է ձեզ կյանքում հիասթափեցրել:

Այդպես չեմ հիշում, թե ովքեր են, համենայն դեպս եղել են մի քանի գեղեցիկ աղջիկներ եւ կանայք:

Հուսահատության պահերը ո՞նց եք հաղթահարում:

Երբեք հույսս չեմ կտրել:

Ինչ-որ սկզբունքներ, որոնց ստիպված եք եղել դավաճանել:

Ես երբեք որեւէ մեկին եւ որեւէ բան չեմ դավաճանել:

Իսկ ձեզ դավաճանե՞լ են. Անուններ կասե՞ք:

Պետք է հարցնեք դավաճանողներին: Իհարկե, անուններ չեմ ասի:

Պատրաստում ենք երջանկություն: Ձեր բաղադրատոմսը:

Սիրելի գործ+ լավ ընտանիք:

Ձեր ամենուրախ օրը:

Հուլիսի 12-ը` թոռնիկիս ծննդյան օրը:

Պապիկ եք դարձել, առաջին նվերը թոռնիկին:

Նոր ծնված թոռնիկը ի՞նչ է հասկանում, որ նվեր առնեմ, առայժմ հարսիս եմ նվեր արել, խրախուսել եմ, որ մի տղա թոռնիկ եւս ունենա:

Իսկ ամենատխուր օրը ո՞րն է:

Այդպիսի օրեր շատ եմ ունեցել, չեմ կարող առանձնացնել, առնվազն մի 4-5 այդպիսի օրեր կան:

Ի՞նչ կցանկանայիք նվեր ստանալ:

Իմ ամենասիրելի նվերը եղել է եւ կա զենքը: Ես բազմաթիվ նվերներ` զենքեր եմ ստացել:

Իսկ հաճա՞խ եք կիրառում:

Կենդանի թիրախների վրա  չեմ կիրառել, եթե որսորդությունը մի կողմ դնենք:

Ձեր խենթություններից:

Ես խենթ երբեւէ չեմ եղել:

Բայց աշխարհը փոխում են խենթերը չէ՞:

Դե հիմա գիտեք ինչ կա, թող փոխեն, ես էլ կօգնեմ:

Ու՞մ կցանկանայնիք նմանվել;

Ինքս ինձ, կցանկանայի չփոխվել: Չնայած հիմա դժվար փոխվեմ, մեծ մարդ եմ: Երբեւէ իդեալներ չեմ ունեցել, արտաքինից ասել են, որ իմ ավագ քեռուն եմ նման:

Աշխարհի ամենալավ մարդը ո՞վ է:

Իմ հայրն ու մայրը:

Կենդանիներ սիրո՞ւմ  եք եւ ի՞նչ կենդանու եք ձեզ նմանեցնում:

Շատ եմ սիրում: Ինձ թվում է մարդը բանական էակ է եւ պետք է տարբերվի կենդանիներից; Ճիշտն ասած` չեմ մտածել, թե ես ինչ կենդանու պետք է նման լինեմ:

Ի՞նչ է ընտանիքը ձեզ համար:

Հայրենիքից հետո ամեն ինչ է:

Ձեր կյանքի սերերը:

Շատ են եղել, հիմա էլ եմ սիրում, այնպես որ նորմալ է;

Ձեր ընտրյալը:

Իմ կինն է: Այնքան լավն է, որ ընտրել եմ:

Գագիկ Ջհանգիրյանը` խոհանոցում:

Շատ լավ խորոված եմ անում, շատ լավ խաշլամա եմ պատրաստում իմ ռեցեպտով, այդպես մի երկու բան, ավել բաներ չեմ անում:

Ի՞նչ հոգսեր ունեք:

Ամենամեծ հոգսս հիմա իմ թոռնիկն է, որ ուշադիր լինեն, որ շուտ մեծանա, առողջ լինի, իմ հոգսերը կենտրոնացված են թոռնիկիս շուրջ:

Որպես պապիկ` ի՞նչ պարտականություններ եք վերցնելու ձեր վրա:

Քանի որ ծնվել է Գագիկ  Վրեժի Ջհանգիրյանը, նրա հետ կապված բոլոր իրավունքներն եւ պարտականություններն իմն են: Ունեմ եւս 4 թոռնիկ, շաբաթ օրերը նվիրում եմ իմ թոռնիկներին, հյուրասիրում եմ, ման եմ տալիս, խաղալիքներ եմ գնում,ամեն ինչ անում եմ:

Իսկ թոռնիկները վատ դրության մեջ չե՞ն դնում ձեզ, օրինակ` չարություն անեն, պապիկին խայտառակեն:

Բա՞ եղավ, պապիկին խայտառակելը գիտե՞ք տենց հեշտ է, պապիկը тоже не подарок:

Ո՞ր մոլախաղում եք անպարտելի:

Որեւէ մոլախաղ չգիտեմ, նույնիսկ մինչեւ հիմա  կարտ խաղալ չգիտեմ, դուrակ էլ չեմ խաղում, շախմատից ու նարդիից բացի ուրիշ խաղ չգիտեմ: Անպարtելի չեմ, բոլոր տեղերում էլ պարտվում եմ;

Իսկ կյանքում պարտություններ ունեցե՞լ եք:

Ես իմ ուղուց չեմ շեղվել, իմ սկզբունքներին, համոզմունքներին,  իմ ընկերներին չեմ դավաճանել, մնացածը չգիտեմ: Դեռ կարծում եմ` ոչ մի խաղ ավարտված չէ, որ ես ասեմ պարտվել եմ, կյանքը դեռ առջեւում է:

Կանայք:

Կանանց շատ եմ սիրում:

Ի՞նչը կփրկեր կյանքում հերոսին,թե չլիներ կինն ու գինին:

Ես այդ հարցում մասնագետ չեմ, բայց չեմ կարծում, որ կանայք ու գինին փրկում են մարդուն, ամեն ինչն էլ, որ շատ է լինում, կործանում է, չափի մեջ եմ սիրում:

Ինքներդ ձեզ մի հարց տվեք եւ պատասխանեք:

Ինչպես եմ համբերում, որ Ինգան արդեն կես ժամից ավել  է` իմ կյանքը ուտում է: Պատասխանս է` ստիպված դիմանում եմ այդ տանջանքներին, քանի որ գեղեցիկ աղջիկ է:

Նշենք, որ  57-ամյա Գագիկ Ջհանգիրյանը անկուսակցական է, ՀԱԿ խմբակցության անդամ: Նա սովորել է  Երեւանի պետական համալսարանի իրավաբանական ֆակուլտետը,իսկ ավարտելուց հետո աշխատել է ԳԱԱ փիլիսոփայության եւ իրավունքի ինստիտուտում` որպես գիտաշխատող, իրավաբանական գիտությունների թեկնածու է. Աշխատել է Արդարադատության նախարարությունում` որպես դատական մարմինների վարչության պետ, այնուհետեւ` արդարադատության նախարարի առաջին տեղակալ, որպես ՀՀ Զինվորական դատախազ; 2006-ի հունվարի 17-ին նշանակվել է ՀՀ Գլխավոր դատախազի տեղակալ։ Ամուսնացած է , ունի 3 երեխա եւ 5 թոռնիկ:

Ավելի վաղ NEWS.am-ը ներկայացրել էր հարցազրույց ԱԺ ՀՀԿ խմբակցության պատգամավոր Արփինե ՀովհաննիսյանիԼեւոն ՄարտիրոսյանիՆաիրա ԿարապետյանիՀայկ ԳրիգորյանիՄարգարիտ Եսայանի, ԲՀԿ խմբակցության պատգամավոր Տիգրան ՈւրիխանյանիԷլինար ՎարդանյանիՎահե Էնֆիաջյանի, ՀԱԿ-ից Լյուդմիլա Սարգսյանի,  Հրանտ Բագրատյանի, «Ժառանգությունից»` Ռուբեն ՀակոբյանիԽաչատուր Քոքոբելյանի, ՀՅԴ-ից` Արծվիկ ՄինասյանիԱղվան Վարդանյանի հետ:

Շարքը` Ինգա Մարտինյանի


Լուրեր Հայաստանից - NEWS.am

Thank you for your comment. Your comment must be confirmed by the administration.

Այս թեմայով

... վերջին լուրերը "Մարդիկ" թեմայով
Լրահոս

Բոլոր նորությունները...  

Բոլոր նորությունները...  

Բոլոր նորությունները...  

Բոլոր նորությունները...  

Բոլոր նորությունները...